Бәйгедә катнашучылар һәм катнашырга теләүчеләр игътибарына сөенечле яңалык хәбәр итәбез. "Белем җәүһәрләре" бәйгесендә катнашып Интернет челтәре ярдәмендә татар яшьләре тормышын яктырткан, татар яшьләре мәсьәләләрен күтәргән һәм аны хәл итүдә өлеш керткән иң яхшы татар сайтына "Идел" яшьләр үзәге үзенең махсус бүләген тапшырачак!
p.s. "Идел" яшьләр үзәге инде күп еллар дәвамында дөньяның төрле почмагында сибелеп яшәгән татар яшьләре һәм балалары белән даими эш алып бара, "Иделем акчарлагы" яшь язучылар бәйгесен, "Дулкыннар" иҗат бәйгесен, “Милләтебез хәзинәләре” балалар лагерен, Мөселман яшьләре фестивален, Татар яшьләре көннәрен һәм башка күп кенә фестивальләр һәм чаралар оештыра.
Фикерләр