Җәүһәрләребез!!!

"Белем җәүһәрләре" Бөтендөнья интернет-проектлар бәйгесендә I урын алган web-проектлар белән сез бәйгенең махсус "Җәүһәрләр" битендә таныша аласыз, әлеге  проектларның авторлары һәр ел бәйгенең мактаулы кунаклары буларак тантанага чакырылачаклар.

Катнашучыларыбыз!!!

"Белем җәүһәрләре" Бөтендөнья интернет-проектлар бәйгесендә катнашырга теләк белдереп гариза биргән һәм гаризалары кабул ителгән web-осталар һәм аларның проектлары белән сез бәйгенең "Катнашучылар" битендә таныша аласыз.

"Белем җәүһәрләре" Бөтендөнья интернет-проектлар бәйгесе татар телендә ясалган, мәгариф һәм мәдәният өлкәсе белән бәйле интернет-ресурсларны барлау, аларны популярлаштыру, әлеге интернет-ресурс авторларына ярдәм күрсәтү максатыннан, җаваплылыгы чикләнгән "Белем.ру" җәмгыяте инициативасы, Бөтендөнья татар конгрессы Башкарма комитеты, Татарстан Республикасы Мәгариф һәм фән министрлыгы, Татарстан Республикасы Мәдәният министрлыгы, күп санлы иганәчеләр ярдәме белән оештырыла.

Бәйгенең "туган көне" булып 2010 елның 5 нче феврале (иң беренче бәйге ачылу көне) санала. Бәйгегә гаризалар кабул итү һәр елны гыйнвар-февраль айларында башланып китә һәм октябрь аенда аның җиңүчеләре игълан ителә. 

«Белем җәүһәрләре» Бөтендөнья интернет-проектлар бәйгесенең максатлары, анда катнашу тәртибе, оештыручыларның һәм катнашучыларның хокуклары турында мәгълүмат бәйгенең нигезләмәсендә бирелгән. Форум кысаларында бәйге турында фикер алышырга мөмкин.

БӘЙГЕДӘ КАТНАШУ ӨЧЕН ИҢ ЭЛЕК ТЕРКӘЛЕГЕЗ, ТЕРКӘЛГӘНДӘ ТУЛЫ ФИО ЯЗЫГЫЗ, ГАРИЗА ТАПШЫРГАНДА ФИОНЫ ЯЗГАНДА КАЛКЫП ЧЫККАН ИСЕМЛЕКТӘН САЙЛАП АЛЫГЫЗ!

Җаваплылыгы чикләнгән "Белем.ру"  җәмгыяте бәйгенең киләчәк Катнашучыларына уңышлар теләп кала!!!

"Белем җәүһәрләре" III Бөтендөнья интернет-проектлар бәйгесе старт алды

Төзеде Раил Гатауллин - 27 гыйнвар, 2012 - 23:45

Хөрмәтле татар интернетын булдыручылар!

Ниһаять, көтеп алынган "Белем җәүһәрләре" III Бөтендөнья интернет-проектлар бәйгесе старт алды. Быел әлеге бәйге өченче тапкыр үткәрелә. Шушы 2-3 ел эчендә татар интернеты, шул исәптән татар телле интернет, нык үзгәрде һәм үсеш алды. Яңадан-яңа сайтлар калкып чыктылар, булган сайтлар яхшыра төштеләр һәм камилләштеләр. Татар интернетын булдыручылар саны нык артты һәм аларның бу өлкәдә белемнәре шактый ныгыды.

Татар интернеты шулай үсеш алуын дәвам итсен, интернет челтәрендә татар телле ресурслар саны артканнан-арта барсын иде. Андый файдалы ресурслар башкалар өчен җәүһәр һәм үрнәк булып торырга диеш, дип исәплибез. Ә инде аларның алга таба яхшыра баруына бер стимул булып "Белем җәүһәрләре" бәйгесе торса, без бик шат булыр идек.  Бәйгебез яңа җәүһәрләр калкытсын! Уңышлар сезгә!

"Белем җәүһәрләре" III Бөтендөнья интернет-проектлар бәйгесе 27 нче гыйнвар - җомга көнне башланып китәчәк!

Төзеде Раил Гатауллин - 11 гыйнвар, 2012 - 15:16

Хөрмәтле сайтыбыз кулланучылары, бәйгебезнең җәүһәрләре һәм конкурсантлары!

Сезне чын күңелебездән Яңа 2012 ел белән тәбрик итәбез! Тормышыгызда бары тик шатлык-бәхетләр генә булуын, саулык-сәламәтлек, яңа уңышларга ирешүегезне телибез!

Яңа ел башланган икән, димәк, яңа бәйгебезне башларга да вакыт килеп җитте, дигән сүз. Бәйгенең Нигезләмәсе шартлары буенча бәйге һәр елның гыйнвар аенда башлана. Бу шартны истә тотып, оештыру комитеты бәйгедә катнашырга теләгән һәркемгә "Белем җәүһәрләре" III Бөтендөнья интернет-проектлар бәйгесенең 27 нче гыйнвар - җомга көнне башланып китүе турында хәбәр итә.

RSS-материал